Өмнөд Солонгосын алдарт Пёнчан хотын “Alpensia” олимпын баазад гүйлтийн цанын олон улсын “Far East Cup-2025” тэмцээн амжилттай үргэлжилж байна. Тэмцээний эхний өдөр Монголын баг тамирчид ур чадвараа сорьсноос эмэгтэйчүүдийн төрөлд бахдам амжилт гаргалаа.
Тодруулбал, эмэгтэйчүүдийн 5 км-ийн сонгомол зайн уралдаанд Монгол Улсын тамирчин Э.Ариунтунгалаг хурд хүч, тэсвэр тэвчээрээ гайхуулан мөнгөн медаль хүртэж, Пёнчаны тэнгэрт эх орныхоо нэрийг дуурсгав.
Тэмцээний эхний өдрийн дүн
Монголын цаначид энэ удаагийн тэмцээнд өндөр ач холбогдол өгч оролцож байгаа бөгөөд бусад тамирчдын үзүүлэлтийг дурдвал:
Эмэгтэйчүүд (5 км, сонгомол): Э.Ариунтунгалаг мөнгөн медаль хүртсэн бол Т.Ариунболд 21 дүгээр байрт шалгарлаа. Эрэгтэйчүүд (10 км, сонгомол): Олон улсын хэмжээний мастер Б.Ачбадрах амжилттай уралдаж, IV байрт орж медалийн зуухнаас атгаад алдлаа. Тэмцээний эхний өдрийн уралдаануудад зохион байгуулагч орон болох Өмнөд Солонгосын тамирчид давамгайлж, алтан медалиудыг хүртсэн байна.
Тэмцээний үргэлжлэл
“Far East Cup-2025” тэмцээн өнөөдрөөр дуусахгүй бөгөөд хоёр дахь өдөр тамирчид тэшилтийн техникээр хурд сорих юм. Үүнд:
- Эрэгтэйчүүдийн 10 км-ийн зайн тэшилтийн уралдаан.
- Эмэгтэйчүүдийн 5 км-ийн зайн тэшилтийн уралдаан.
Монголын цаначид дараагийн өдрийн уралдаануудад медалийн буухиагаа үргэлжлүүлнэ гэдэгт спорт сонирхогчид итгэлтэй байна.
