Цагаан ордны ажилтнууд АНУ-ын Ерөнхийлөгч Дональд Трамп болон ОХУ-ын удирдагч Владимир Путин нарын Аляскад болсон дээд хэмжээний уулзалтын үеэр авахуулсан гэрэл зургийг тус ордны хананд байрлуулсан байна.
Mongolnews24.com сайтын мэдээлснээр, Америкийн PBS News сувгийн сэтгүүлч Элизабет Ландерс өөрийн X (хуучин нэрээр Twitter) хуудсаараа дамжуулан энэ тухай мэдээлжээ. “Цагаан ордны Баруун жигүүрийг ерөнхийлөгчийн резиденцтэй холбодог хэсэгт өмнө нь харж байгаагүй нэгэн зүйл анзаарсан нь Ерөнхийлөгч Трамп, Путин нарын Аляска дахь зуны дээд хэмжээний уулзалтын жаазтай зураг байлаа” хэмээн Ландерс бичсэн байна.
Тэрээр мөн тус зургийн доор байрлах өөр нэг гэрэл зурагт Ерөнхийлөгч Трамп өөрийн нэгэн ач хүүтэй хамт байгааг тодотгожээ. Цагаан ордны дотоод хэсэгт ийнхүү төрийн айлчлалын зургийг гэр бүлийн зурагтай зэрэгцүүлэн байрлуулсан нь олон нийтийн анхаарлыг татаж байна.
