Монгол Улсын Их Хурал, Нэгдсэн Үндэстний Байгууллага болон БНСУ-ын олон улсын хамтын ажиллагааны KOICA агентлаг хамтран зохион байгуулж буй “Бид – эмэгтэйчүүд” форум 2025 оны 5-р сарын 21-22-ны өдрүүдэд Төрийн ордонд болно.
Зорилго: Бүс нутгийн хөгжилд эмэгтэйчүүдийн оролцоог нэмэгдүүлэх
Форумын үндсэн зорилго нь:
- Эмэгтэй улс төрчдийн шийдвэр гаргах түвшин дэх оролцоог нэмэгдүүлэх
- Манлайлах ур чадварыг хөгжүүлэх
- Олон нийтийн хөгжилд эерэг нөлөө үзүүлэх
Орон нутгийн бүх түвшнийг хамарсан төлөөлөл
Форумд нийт 800 гаруй эмэгтэй төлөөлөгч оролцоно. Үүнд:
- 21 аймаг, Улаанбаатар хотын 9 дүүргийн Иргэдийн төлөөлөгчдийн хурлын 143 эмэгтэй гишүүн
- 330 сум болон нийслэлийн 9 хорооны 660 эмэгтэй төлөөлөгч
Албан ёсны нээлт
Нээлтийн үеэр дараах хүндэт зочид үг хэлнэ:
- Монгол Улсын Их Хурлын дарга Д.Амарбаясгалан
- БНСУ-аас Монгол Улсад суугаа Элчин сайд Чой Жин Вон
- Японы Нийгмийн Хөгжлийн Сангийн Ерөнхийлөгч, Японы экс тэргүүн хатагтай Абэ Акиэ
- НҮБ-ын Хөгжлийн хөтөлбөрийн Монгол дахь суурин төлөөлөгч Матильда Димовска
- Монгол Улсын УИХ-ын гишүүд
Гол илтгэлүүд
Форумын үеэр дараах сэдвээр илтгэлүүд тавигдана:
- “Эмэгтэйчүүдийн шийдвэр гаргах түвшин дэх оролцоо” – УИХ-ын дэд дарга Х.Булгантуяа
- “Хүний эрхийн бүс нутгийн нөхцөл байдал” – Хүний эрхийн Үндэсний Комиссын дарга Д.Сунжид
- “Бүс нутгийн хөгжил дэх эмэгтэйчүүдийн үүрэг” – судлаач М.Төмөрчулуун
Салбар хуралдаанууд: Бодит өөрчлөлт рүү чиглэнэ
Форумын салбар хэлэлцүүлгүүд дараах гол сэдвийн хүрээнд өрнөнө:
- Хүүхэд, гэр бүлийн бодлого – УИХ-ын гишүүн, Нийгмийн бодлогын байнгын хорооны дарга Л.Энхнасан
- Эрүүл мэндийн салбар – УИХ-ын гишүүн Д.Ганмаа
- Боловсрол, соёл, шинжлэх ухаан, спорт – УИХ-ын гишүүн, холбогдох байнгын хорооны дарга Ч.Ундрам
- Эдийн засаг ба хөдөлмөр эрхлэлт – УИХ-ын гишүүн, Эдийн засгийн байнгын хорооны гишүүн Б.Жаргалан
