Монгол Улсад Хүүхдийн байгууллага байгуулагдсаны 100 жилийн ойг тохиолдуулан Баян-Өлгий аймгийн Гэр бүл, хүүхэд, залуучуудын хөгжлийн газар “Хүүхэд – Хайр – Ирээдүй” сэдвийн дор дунд болон ахлах ангийн сурагчдын дунд уран илтгэлийн уралдаан зохион байгууллаа.
Түүх, ирээдүй, хүүхдийн дуу хоолой
Тэмцээнд Улгий, Толбо, Цэнгэл, Ухаанхус, Бугат сумдын ерөнхий боловсролын сургуулиудын ойролцоогоор 40 орчим сурагч оролцож, өөрийн үзэл бодлоо чөлөөтэй илэрхийлэн өрсөлдсөн юм. Тэд:
- Монгол дахь Хүүхдийн байгууллагын үүсэл, хөгжил
- Хүүхэд, боловсролын тулгамдсан асуудлууд
- Хувийн мөрөөдөл, ирээдүйн мэргэжил зэрэг сэдвээр чөлөөтэй илтгэл тавьсан нь уралдааныг сонирхолтой болгожээ.
Шилдгүүд тодров
Илтгэгчдийн дундаас Улгийн 2-р сургуулийн 10-р ангийн сурагч Муартбек Асель түрүүлж, уралдааны нэгдүгээр байрын эзэн боллоо. Хоёрдугаар байрт Улаанхус сумын Согоог багийн 12-р ангийн сурагч Рысбек Аймулдир, гуравдугаар байрт Бугат сумын 10-р ангийн сурагч Хайрамбайн Алия шалгарсан байна.
Мөн шагналт байранд:
- 11-р ангийн сурагч Балжингийн Буян-Арвижих
- Улгий сумын сургуулийн 11-р ангийн сурагч Санахын Нуржулдыз нар тус тус оржээ.
