Алдартнуудын гэр бүлийн амралтын зургууд цахим орчинд нийтлэгдэж, олны анхаарлыг татаж байна.
Арнольд Шварценеггер-ийн том охин, 36 настай Кэтрин Шварценеггер өөрийн Instagram хуудастаа эцэг эх, нөхөр, ах дүүсийнхээ хамт амарч буй цуврал зургуудыг нийтэлжээ. Тэрээр хурц тод улаан өнгийн цанын хослол, саравчтай малгайгаар гоёсон байсан бөгөөд зургийнхаа тайлбарт “Гэр бүлийн цанын клуб” хэмээн бичсэн байна.
Зургуудын нэгт Кэтрин өөрийн нөхөр, 46 настай жүжигчин Крис Пратт-тай хамт авахуулсан зураг харагдана. Тэд 2019 онд гэрлэсэн бөгөөд одоогоор дундаасаа гурван хүүхэдтэйгээс гадна Крисийн эхний гэрлэлтийн хүүг хамт хүмүүжүүлж байгаа юм. Мөн тэрээр аав Арнольд, ах дүү Патрик, Кристофер болон эмэгтэй дүү Кристина нартайгаа авахуулсан зургуудаа хуваалцжээ.
Энэхүү амралтад Арнольд Шварценеггер-ийн экс эхнэр, хүүхдүүдийнх нь ээж Мария Шрайвер мөн оролцсон байна. Тэд 1986 оноос 2011 он хүртэл хамт амьдарсан бөгөөд гэрлэлтээ албан ёсоор 2021 онд цуцлуулсан билээ. Тэдний салах болсон гол шалтгаан нь Арнольд Шварценеггер эхнэрээ араар нь тавьж, Мексик гаралтай гэрийн үйлчлэгчтэйгээ амрагийн харилцаа тогтоон, нууц хүүхэдтэй болсон явдал байсан юм.
