Францын Парис хотод энэ сарын 3–7-ны өдрүүдэд зохион байгуулагдаж буй Ахмадын жүдо Дэлхийн аварга шалгаруулах тэмцээн (Гранд Мастерс) албан ёсоор эхэллээ.
Эхний өдөр эрэгтэйчүүдийн M1 (30–34 нас) болон M2 (35–39 нас) ангиллын жингүүдийн барилдаан явагдаж, Монголын жүдочид амжилттай оролцлоо.
Манай багийн тамирчид дараах медалийг хүртэв:
- M1 ангилал, -60 кг жинд — Б. Сайнтөр – хүрэл медаль
- M2 ангилал, -60 кг жинд — Б. Энхтөр – хүрэл медаль
- M2 ангилал, -66 кг жинд — П. Амаржаргал – хүрэл медаль
- M2 ангилал, -73 кг жинд — Д. Алтансүх – хүрэл медаль
- M2 ангилал, -81 кг жинд — Р. Анхбаатар – хүрэл медаль
Ийнхүү Монголын жүдочид тэмцээний эхний өдрөө тав хүртэл хүрэл медаль хүртэж, Гранд Мастерсын дэлхийн дэвжээнд амжилттай гараагаа эхлүүллээ.
