Өмнөд Африкийн бүс нутагт болсон гамшигт үерийн улмаас матар, усны үхэр зэрэг аюултай зэрлэг амьтад хотын гудамжинд гарч ирснээр амь үрэгдсэн хүний тоо 100 даваад байна.
Mongolnews24.com сайтын мэдээлснээр (эх сурвалж RMF24), Мозамбик, Өмнөд Африкийн Бүгд Найрамдах Улс болон Зимбабве улсуудад нөхцөл байдал хамгийн хүнд байна. Үерийн ус гол мөрнийг хотын суурьшлын бүсүүдтэй холбосон тул зэрлэг амьтад ус даган суурьшлын бүс рүү нэвтэрчээ.
Орон нутгийн засаг захиргааны төлөөлөгч Энрикес Бонгеце “Бид иргэдийг тогтоол ус руу ойртохгүй байхыг уриалж байна. Учир нь тэнд матар нуугдаж байгаа. Гол мөрөн үерлэж, ус тогтсон бүх газар руу матар, усны үхэр нэвтрэх нөхцөл бүрдсэн” хэмээн сэрэмжлүүлэв.
Албан ёсны мэдээллээр 100 гаруй хүн амь үрэгдэж, олон зуун мянган хүн орон гэрээ орхин дүрвэхэд хүрээд байна. Лимпопо үндэсний хүрээлэнгийн захиргаа болон аврах албаныхан матар, усны үхрийн шилжилт хөдөлгөөнийг хянаж, хүн амьтны мөргөлдөөнийг бууруулахаар ажиллаж байгаа аж.
