Өмнөговь аймгийн “Гурвансайхан” нисэх буудал энэ сарын 18-нд (2026 оны 7 дугаар сарын 18) өөрийн түүхэн дэх анхны олон улсын нислэгээ хүлээн авахаар бэлтгэлээ базааж байна.
Анхны олон улсын нислэгийг үндэсний агаарын тээврийн “Hunnu Air” компани үйлдэхээр төлөвлөжээ.
- Чиглэл: Япон улсын Нагано мужийн Мацүмото хот — Өмнөговь аймаг (Даланзадгад)
- Хэзээ: 2026 оны 7 дугаар сарын 18-ны өдөр
- Тээвэрлэгч: “Hunnu Air” авиа компани
Орон нутгийн аялал жуулчлалд шинэ хуудас нээв
Орон нутгийн нисэх буудалд олон улсын анхны нислэгийг амжилттай хүлээн авснаар цаашид гадаад чиглэлийн нислэгийн тоог нэмэгдүүлэх, тогтмол хуваарьт нислэг үйлдэх боломжийг бүрдүүлэхэд чухал ач холбогдолтой юм.
Энэхүү алхам нь говийн бүсийн аялал жуулчлалыг шинэ шатанд гаргах, гадаадын жуулчдыг цаг хугацаа алдалгүй шууд Монголын говь руу аялуулах, орон нутгийн эдийн засгийг дэмжихэд бодит хувь нэмэр оруулах түүхэн үйл явдал болж байна.
