“Physical Asia” шоу нэвтрүүлгийн шилдэг оролцогч, “Австрали тивийн Хамгийн хүчтэй хүн” хэмээх хүндтэй цолыг хоёр удаа хүртсэн Эдди Уильямс энэ зуны амралтаа манай улсад өнгөрүүлэхээр болжээ. Тэрбээр эхнэр, хүүхдүүдийнхээ хамтаар АРА-г зорин ирж, зуныг сонирхолтой хэлбэрээр өнгөрүүлэхээр төлөвлөсөн байна. Түүнчлэн тэрбээр зөвхөн амраад зогсохгүй, Монгол АРА угшлын хурдан даагаа АРА КАП морин тойруулгын уралдаанд сойж, хурд хүчийг нь сорихоор бэлтгэж байгаа юм.
АРА Фестивалийг зорих олон улсын одод
Энэ жилийн АРА Фестивалийг зөвхөн Австралийн хүчтэн Эдди Уильямс зориод зогсохгүй, дэлхийн өнцөг булан бүрээс олны танил эрхмүүд цуглахаар болсон байна. Тэд үзэгчид болон өөрсдийн дэмжигчидтэйгээ уулзаж, олон сонирхолтой тэмцээн уралдаан, соёлын тоглолтуудыг толилуулахын зэрэгцээ аялал зугаалгыг хослуулан мартагдашгүй дурсамжийг хамтдаа бүтээх аж. Тус наадамд оролцохоор ирж буй нэр хүндтэй зочдоос дурдвал:
- Солонгосын тамирчин Ким Мин Жэ
- Олны танил циркчин Лхагва-Очир
- “Physical Asia” шоуны бусад шилдэг оролцогчид
Эдгээр алдартай тамирчид, уран бүтээлчид АРА Фестивалийн үеэр болох спортын болон соёлын арга хэмжээнүүдэд идэвхтэй оролцоно. Гадаадын зочид монгол соёлтой танилцаж, морин тойруулгын уралдааныг шимтэн үзэх нь энэ зуны хамгийн онцлох үйл явдлуудын нэг болох юм.
