Хэдэн жилийн өмнө жингээ эрс хассан Британийн алдартай дуучин Адель урт хугацааны дараа анх удаа олны өмнө ил гарлаа. Өдгөө 38 настай уран бүтээлч бүсгүй Сильверстоунд болсон “Формула-1” уралдааны Гран-при тэмцээнийг үзэж сонирхохоор ирсэн нь папарациудын дуранд өртжээ.
Адель 2024 онд Лас-Вегас дахь хоёр жилийн турш үргэлжилсэн тоглолтоо (концертны резиденци) дуусгаад, уран бүтээлийн урт хугацааны завсарлага авч байгаагаа зарласан юм. Үүнээс хойш тэрээр олны нүднээс далд байсан бөгөөд хамгийн сүүлд 2025 оны намар л харагдаж байжээ.
Тэрээр уран бүтээлээсээ хөндийрөхөөс гурван жилийн өмнө 45 кг жин хасаж, гадаад төрхөө бүрэн өөрчилж чадсан билээ.
Дуучин бүсгүй жингээ хасах болсон шалтгаанаа гэр бүл цуцлалтаас үүдэлтэй сэтгэл зүйн хүнд дарамтыг даван туулахын тулд маш хүнд, экстрем бэлтгэл сургуулилт хийж эхэлсэнтэй холбоотой хэмээн тайлбарлаж байв.
Хувийн амьдрал: Салалтаас Сүй тавилт хүртэл
- Хуучин харилцаа: Тэрээр 2011 оноос бизнесмэн Саймон Конеккитой хамт амьдарч, 2012 онд тэдний хүү Анжело төрсөн. Хосууд 2018 онд гэрлэсэн ч 2021 онд албан ёсоор салжээ.
- Шинэ хайр: 2021 оны зунаас эхлэн Адель АНУ-ын хамгийн нөлөө бүхий спортын агентуудын нэг, сагсан бөмбөгийн супер од Леброн Жеймсийн менежер Рич Полтой болзож эхэлсэн байна.
- Сүй тавилт: 2024 оны наймдугаар сард Мюнхен хотод болсон өөрийн концертынхоо үеэр тэд албан ёсоор сүй тавьсан гэдгээ баталсан билээ.
