CS2 төрлийн шинжээч Алекс “Maiusnake” Элленберг “IEM Cologne Major 2026” тэмцээний өмнө 2026 оны шилдэг тоглогчдын хувийн чансаагаа танилцуулжээ. Түүний гаргасан жагсаалтын эхний аравт Team Falcons, Team Spirit, Team Vitality, Natus Vincere, FURIA багийн тоглогчид багтсан байна.
Харин “The MongolZ” багийн мэргэн буудагч Өсөхбаяр “910” Банзрагч уг чансааны 13 дугаарт нэрлэгджээ. Энэ нь Монголын CS2 тоглогч дэлхийн шилдэг тоглогчдын жагсаалтад өндөр байр эзэлж буй онцлох үзүүлэлт болж байна.
Шилдэг 20 тоглогчийн жагсаалт
- Матье “ZywOo” Эрбо;
- Данил “donk” Крышковец;
- Шахар “flameZ” Шушан;
- Илья “m0NESY” Осипов;
- Робин “ropz” Коль;
- Кайке Сильва “KSCERATO” Серато;
- Дмитрий “sh1ro” Соколов;
- Дрин “makazze” Шакири;
- Максим “kyousuke” Лукин;
- Валерий “b1t” Ваховский;
- Данил “molodoy” Голубенко;
- Никола “NiKo” Ковач;
- Өсөхбаяр “910” Банзрагч;
- Никита “HeavyGod” Мартыненко;
- Виктор “Staehr” Штер;
- Игорь “w0nderful” Жданов;
- Али “Wicadia” Хайдар Ялчин;
- Лотан “Spinx” Гилади;
- Дориан “xertioN” Берман;
- Лав “phzy” Смидебрант.
“The MongolZ”-ийн гол тоглогчдын нэг
Өсөхбаяр “910” Банзрагч 23 настай. Тэрээр мэргэн буудлага, хурд, мэдрэмж, клач үеийн тайван шийдвэр гаргалтаараа ялгардаг тоглогч юм. Түүний тоглолтын хэв маягийг тогтвортой, хатуу ширүүн, дарамттай үед ч тайван байдлаа хадгалдаг гэж тодорхойлдог. Хүчтэй өрсөлдөгчдийн эсрэг шийдвэрлэх мөчид оновчтой тоглож, багтаа давуу байдал авчрах чадвараараа анхаарал татдаг.
Б.Өсөхбаяр 2022 оноос мэргэжлийн замналаа эхлүүлсэн. Тэрээр “Born in Mongolia”, D13, “Clutch Gaming” зэрэг багт тоглож байгаад 2023 онд The MongolZ багт нэгдсэнээр олон улсын тавцанд илүү тод гарч ирсэн юм.
Мөн Б.Өсөхбаяр “YaLLa Compass 2024” тэмцээний Шилдэг тоглогчоор шалгарч байсан. Түүний нэр 2026 оны шилдэг тоглогчдын жагсаалтад багтсан нь The MongolZ багийн дэлхийн түвшний өрсөлдөх чадварыг дахин харуулж байна. The MongolZ-ийн ивээн тэтгэгчээр 1xBet ажилладаг.
