АНУ-ын Ерөнхийлөгчийн гэргий Мелани Трамп Орос, Украины талуудын хооронд зуучлагчаар ажилласны дүнд Украины зургаан хүүхэд гэр бүлтэйгээ эргэн нэгдэхээр болсон байна. Мөн өөр нэг хүүхэд энэ сарын сүүлээр төрөл төрөгсөд рүүгээ явах талаар Цагаан ордноос мэдээллээ.
“Дэлхийн энэ бүс нутагт хүүхдүүдийг ойр дотныхонтой нь эргэн нэгтгэх нь өнөө цагийн дэлхий нийтийн хамгийн чухал тулгамдсан асуудлуудын нэг хэвээр байна” гэж АНУ-ын Тэргүүн хатагтай мэдэгдэлдээ онцолжээ. Тэрээр мөн талууд цаашид хамтран ажиллахад бэлэн байгааг хараад итгэл дүүрэн байгаагаа илэрхийлсэн байна.
2025 оны аравдугаар сард Мелани Трамп түүний баг ОХУ-ын Ерөнхийлөгч Владимир Путины төлөөлөгчидтэй шууд харилцаж, хүүхдүүдийг Украин болон ОХУ- дахь гэр бүлд нь аюулгүйгээр хүргэж, эргэн нэгтгэх асуудлаар ажиллаж байгаа тухайгаа мэдэгдэж байсан юм.
