Daily Mail зэрэг барууны хэвлэлүүдийн мэдээлснээр, дуучин Жастин Бибер болон загвар өмсөгч Хейли Бибер нар гэрлэлтээ цуцалсан байж болзошгүй. Сүүлийн саруудад тэдний зан байдал, нийтлэлүүд нь фэнүүдийнх нь дунд хардлага төрүүлж эхэлжээ.
Хачирхалтай нийтлэлүүд ба хүйтэн харилцаа
Жастин Бибер энэ оны Эцгийн өдөр-ийг тун ер бус байдлаар тэмдэглэсэн нь шүүмжлэл дагуулжээ. Тэрбээр өөртөө үнэтэй бэлэг өгсөн тухайгаа Instagram хуудсандаа нийтэлж, зураг доороо “Өөртөө баяр хүргэе, жаахан ш****” гэж бичсэн байв. Зарим хэрэглэгчид энэ үг нь Хейлид хандсан байж болзошгүй гэж үзэж байна. Түүнчлэн, тэр эхнэр, хүүтэйгээ авахуулсан зурагт дундах хурууны тэмдэг бүхий смайлик хавсаргасан нь олны анхаарлыг татсан. Энэ өдөр Хейли нөхөртөө ямар нэгэн нийтлэл эсвэл мэндчилгээ нийтлээгүй нь мөн анхаарал татжээ.
Ээжүүдийн өдөр ба харилцааны “чимээгүй” төгсгөл
Өнгөрсөн сард Ээжүүдийн өдрөөр Хейли өөрийн жирэмсэн үеийн болон хүүтэйгээ авахуулсан зургуудыг нийтэлсэн ч, нөхөртэйгээ хамт байгаа ямар ч зураг хуваалцаагүй. Харин Жастин “Ээжүүддээ хайртай, гэхдээ Ээжүүдийн өдөр бол балай өдөр” гэсэн пост нийтэлсэн нь мөн сэтгэл түгшээжээ.
Өөр өөр амьдрал: хамт амьдрахаа больсон уу?
Daily Mail-ийн мэдээлж буйгаар, Жастин ба Хейли хоёр одоо хамт амьдрахгүй байгаа гэнэ. Зарим эх сурвалжууд тэднийг аль хэдийн албан ёсоор салсан хэмээн таамаглаж байгаа ба, Хейли гоо сайхны брэндээ зарсан нь нөхөртэйгээ хөрөнгөө хуваалцахаас зайлсхийсэн алхам байж болзошгүй гэж үзжээ.
Түүнчлэн, Жастины сэтгэлзүйн тогтворгүй байдал, P. Diddy-тэй холбоотой асуудлуудтай нэр холбогдсон нь хосын харилцаанд нөлөөлсөн гэж үзэж байна. P. Diddy нь хүмүүн худалдаа болон бэлгийн хүчирхийлэлтэй холбоотой хэргээр шалгагдаж байгаа бөгөөд Жастин түүний карьерийн эхэн үед түүнтэй ойр байсан гэдэг. Үүнтэй холбоотойгоор зарим хүмүүс Жастин Биберийг ч мөн хохирогч байх магадлалтай хэмээн таамаглаж байгаа аж.
Уран бүтээлийн завсарлага ба эрүүл мэндийн асуудал
Дуучин Жастин Бибер шинэ уран бүтээл гаргаагүй удсан бөгөөд концертын аялан тоглолтоо цуцалсан нь түүний эрүүл мэндийн асуудалтай холбоотой гэж үзэж байна. Түүнчлэн, сүүлийн үед мансууруулах бодис хэрэглэж эхэлсэн гэх мэдээлэл ч тархаад байна.
