Даваа, 12 сар 1, 2025
HomeСоёл УрлагЖ.Сэнгэдоржийн "Сэтгэлийн Зураг" Таллины Наадмаас NETPAC Шагнал Хүртлээ

Ж.Сэнгэдоржийн “Сэтгэлийн Зураг” Таллины Наадмаас NETPAC Шагнал Хүртлээ

Эстони Улсын нийслэл Таллин хотноо жил бүр зохион байгуулагддаг нэр хүндтэй Таллины “Хар шөнө” олон улсын кино наадам (PÖFF) энэ сарын 7-ноос 23-ны өдрүүдэд 29 дэх удаагаа амжилттай болж, шилдэг кино уран бүтээлүүдээ тодрууллаа. Тус наадам нь дэлхийн өнцөг булан бүрийн шинэ, содон бүтээлүүдийг танилцуулдгаараа онцлог юм.

Энэ жилийн үндсэн уралдаант хэсэгт Унгар, Морокко, Испани, Филифпин, Монгол, Герман зэрэг олон орны төлөөлөл болох нийт 17 кино өрсөлдсөн байна. Уг гол хэсэгт Монголын уран бүтээлчдийн төлөөлөл болж, найруулагч Ж.Сэнгэдоржийн шинэ уран сайхны бүтээл болох “Сэтгэлийн зураг” (The Muralist) кино амжилттай шалгарч, Азийн киног сурталчлах сүлжээний NETPAC (Network for the Promotion of Asian Cinema) шагнал хүртсэн нь Монголын кино урлагийн томоохон ололт юм.

Энэ нь найруулагч Ж.Сэнгэдоржийн Таллины наадмаас шагнал хүртэж буй анхны тохиолдол биш юм. Өмнөх жил түүний “Чимээгүй хотын жолооч” (Silent City Driver) кино нь тус наадмын үндсэн уралдаант хэсгийн Гран При (Grand Prix) буюу наадмын хамгийн том шагналыг хүртсэнээс гадна Шилдэг зураачийн (Best Production Design) шагналыг мөн хүртэж байсан түүхтэй. Ийнхүү Ж.Сэнгэдорж нь Таллины “Хар шөнө” кино наадамд дараалан амжилт гаргаж, бүтээлээ олон улсын тавцанд үнэлүүлж байна.

Нэрэнтуяа Энхцэцэг
Нэрэнтуяа Энхцэцэг
Нэрэнтуяа Энхцэцэг — Mongolnews24.com сайтын сэтгүүлч, мэдээний редактор. Монголын улс төр, нийгэм, соёлын чухал үйл явдлуудыг хүргэдэг. Сэтгүүл зүйн салбарт олон жилийн туршлагатай бөгөөд мэдээ бүрт бодитой, хараат бус байхыг эрхэмлэдэг. Үнэн зөв мэдээлэл нь хүчирхэг нийгмийн суурь гэж үздэг.
Холбоотой нийтлэлүүд

LEAVE A REPLY

Please enter your comment!
Please enter your name here

Хамгийн алдартай

Сүүлийн сэтгэгдлүүд