Японы эрх баригч Либерал Ардчилсан Нам (ЛАН) болон түүний эвсэл “Комэйто” нам хамтдаа парламентын дээд танхим болох Зөвлөхүүдийн танхимд олонхын суудлаа алджээ. Энэ талаар NHK-ийн мэдээллийг үндэслэн Mongolnews24.com мэдээллээ.
Шинэ мэдээллээр бол ЛАН 38, “Комэйто” 8 суудал авч нийтдээ 46 суудал эзэлж байгаа нь олонхын босго болох 125-аас 50 суудалд хүрч чадахгүйг харуулж байна. Харин сөрөг хүчний намууд нийт 74 суудал авсан байна.
Энэ нь ЛАН-ын хувьд 1999 оноос хойших хамгийн муу үр дүн болж магадгүй. 1955 онд байгуулагдсан цагаасаа хойш ЛАН Японыг бараг тасралтгүй удирдаж ирсэн бөгөөд зөвхөн 1993–1996 болон 2009–2012 онуудад засгийн эрхийг түр алдсан түүхтэй.
2024 оны аравдугаар сард тус эвсэл доод танхимд ч олонхийн суудлаа алдсан. Улмаар ЛАН-ын шинэ дарга Шигэру Исиба намын нэр хүндийг сэргээх зорилгоор 2025 онд болох байсан сонгуулийг наашлуулан хугацаанаас өмнө явуулсан ч намын байр суурь сэргэж чадсангүй.
ЛАН сүүлийн гурван жилд олон ноцтой дуулианд холбогдсон. 2022 оны долдугаар сард экс Ерөнхий сайд Шинзо Абэг амиа алдсаны дараа ЛАН-ын зарим гишүүдийг “Нэгдлийн сүм” хэмээх тоталитар шашны байгууллагатай холбоотой байсныг илчилсэн. Харин 2023 оны сүүлээр намын зарим фракцууд хандивын мөнгийг хууль бусаар завшсан нь ил болж, үүнээс хамгийн том нь Абэгийн удирдаж байсан фракц байсан бөгөөд 500 сая иений хохирол учруулсан байна.
Засгийн газрын нэр хүнд улам уруудаж, 2024 оны долдугаар сард Ерөнхий сайд Фүмио Кишидагийн дэмжлэг ердөө 15.5% болж буурсан. Үүний улмаас Кишида намын даргын дахин сонгуульд оролцохоос татгалзаж, 9-р сарын 27-нд болсон сонгуулийн хоёрдугаар шатанд экс Батлан хамгаалахын сайд Шигэру Исиба намын шинэ даргаар сонгогдсон. Энэ нь Исибагийн тав дахь оролдлого байв.
