2025 оны 10-р сарын 13-ны өглөө Хятадын Чэнду хотод Xiaomi SU7 цахилгаан машин замын хашлагад мөргөж, хормын дотор шатжээ. Зорчигчид жолоочийг аврахаар цонхыг хөлөөрөө цохиж, хаалгыг татсан боловч механик бариул байхгүй, цахилгааны түгжээ тасарсны улмаас онгойлгоогүй. Гал сөнөөгчид ирэхэд хэтэрхий оройтсон байв – жолооч амьдаараа шатжээ. Осолын мэдээний дараа Xiaomi-ийн хувьцаа Гонконгийн хөрөнгийн биржид 10%-иар унасан нь 2025 оны 4-р сараас хойших хамгийн том уналт боллоо.
Энэ нь SU7-тэй холбоотой анхны эмгэнэлтэй осол биш юм: 3-р сард болсон өөр нэг ослоор гурван хүн амь насаа алдсан. 9-р сард Xiaomi жолоочийн туслах системийн асуудлаас болж 120 мянган SU7 машиныг эргүүлэн татсан. Xiaomi SU7 Ultra-г 2024 оны намар танилцуулж, 2025 онд худалдаанд гаргасан. Энэ машин гурван цахилгаан хөдөлгүүртэй, нийт 1.1 мянган кВт-ын хүчин чадалтай бөгөөд 0-100 км/ц хүртэл 1.98 секундэд хурдалдаг.
Үнэхээр харамсалтай байна. Технологи хөгжиж байгаа ч аюулгүй байдал хамгийн түрүүнд байх ёстой шүү дээ
10 хувиар унасан гэдэг их том юм. Ийм осол гарсны дараа хүмүүс тэр машиныг итгэхгүй байх даа