“Vandebo” хамтлагийн гишүүн Б.Эрдэнэболд буюу Эбо өсвөр насны хүүгийн биед халдсан гэх бичлэг олон нийтийн сүлжээнд цацагдсаны дараа албан ёсоор шалгагдаж эхэллээ. Тухайн бичлэгт дуучин Эбо хүүг цохиж буй нь бичигдсэн бөгөөд энэ талаар тэр өөрийн цахим хуудаст “болсон явдал, хэрэг шийдэгдсэн” хэмээн тайлбар хийсэн.
Гэвч Цагдаагийн Ерөнхий Газрын Урьдчилан сэргийлэх газрын хэлтсийн дарга, цагдаагийн хошууч Г.Мөнхбаярын мэдээлснээр, уг хэрэг 2024 оны зургадугаар сарын 22-23-нд шилжих шөнө Баянзүрх дүүргийн нутагт болсон нь тогтоогджээ. Одоо Баянзүрх дүүргийн Цагдаагийн II хэлтэст зөрчлийн хэрэг үүсгэн шалгаж эхлээд байна.
Хохирогчийн талаас хариуцлага нэхэж буй эсэх, хэргийн явц цаашид хэрхэн үргэлжлэх нь тодорхойгүй байгаа ч олон нийтийн анхаарлыг татсан энэ асуудалд хууль хяналтын байгууллагууд хяналт тавин ажиллаж байна.
