Хүнс, хөдөө аж ахуй, хөнгөн үйлдвэрийн сайд Ж. Энхбаяр 2025 оны ургац хураалтын урьдчилсан дүнг Засгийн газрын хуралдаанд танилцууллаа. Урьдчилсан тооцоогоор энэ жил нийт 745.1 мянган тонн ургац хураан авсан нь өнгөрсөн оныхоос 503.3 мянган тонноор, өөрөөр хэлбэл 40.3%-иар буурсан үзүүлэлт болжээ.
2025 оны ургацын хэмжээ (урьдчилсан дүн)
- Үр тариа: 274.1 мянган тонн
- Үүнээс улаанбуудай — 252.3 мянган тонн
- Төмс: 101.9 мянган тонн
- Хүнсний ногоо: 208.6 мянган тонн
- Тэжээлийн ургамал: 133.3 мянган тонн
- Тосны ургамал: 27.2 мянган тонн
- Нийт: 745.1 мянган тонн
Эдгээр нь өмнөх онтой харьцуулахад дараах хэмжээгээр огцом буурсан байна:
- Улаанбуудай: –34.7%
- Төмс: –22.9%
- Хүнсний ногоо: –22.0%
- Тэжээлийн таримал: –46.0%
- Тосны ургамал: –49.0%
Ургацын хэмжээгээр дотоодын хэрэгцээг хангах урьдчилсан тооцоог гаргахад:
- Улаанбуудай — 62.5%
- Төмс — 76.9%
- Хүнсний ногоо — 72.6%
зэрэг хувьтай гарчээ.
Ургац буурахад нөлөөлсөн шалтгаан
Тариалангийн бүс нутгуудад 5–7-р сард хур тунадас бага,
- Агаарын температур: 37.0–39.5°C
- Хөрсний гадаргын температур: 65.0–69.6°C
- Хөрсний 40°C-аас дээш халалтын өдрүүд: 7–10 өдөр үргэлжилсэн
Эдгээр хэт өндөр халалт, мөн усархаг бороо, мөндөр зэрэг байгалийн давагдашгүй үзэгдлүүд ургацад ноцтой сөрөг нөлөө үзүүлжээ.
Гэсэн ч 8–9-р сарын тааламжтай цаг агаар улаанбуудайн чанарт эерэгээр нөлөөлж,
- Болц жигд,
- Цавуулаг өндөр
гарсан байна. Мөн ургац хураалтыг 7–10 хоногийн өмнө эхлүүлсэн нь чанарыг хамгаалжээ.
Засгийн газрын өгсөн чиглэл
Танилцуулгын дараа дараах арга хэмжээг авч хэрэгжүүлэхийг сайд Ж. Энхбаярт даалгав:
- 2026 онд тариалах үр тариа, төмс, тэжээлийн ургамлын үрийн нөөц бүрдүүлэх
- Байгалийн давагдашгүй хүчин зүйлээс үүдэх эрсдэлийг бууруулах цогц төлөвлөгөө боловсруулах
- Тариаланчдын зээлийн эргэн төлөлтийн хугацааг хойшлуулах асуудлыг судалж шийдвэрлэх
