Өнөөдөр ХӨСҮТ болон Нийгмийн эрүүл мэндийн үндэсний төвийн мэргэжилтнүүд Улаанбурхан өвчний тархалтын талаарх цаг үеийн мэдээллийг олон нийтэд танилцууллаа.
ХӨСҮТ-ийн мэдээлснээр:
- Улаанбурханы халдварын улмаас тус төвийн хүлээн авах тасагт хандсан тохиолдлуудын тоо буурч байгаа аж.
- Өмнөх мэдээллээс хойш 86 шинэ тохиолдол шинээр бүртгэгдсэн.
- Нийт 4100 хүн эдгэрсэн бол 611 хүн одоо ч хэвтэн эмчлүүлж байна.
- 2024 оны хоёрдугаар сарын 18-наас хойш лабораторийн шинжилгээгээр батлагдсан нийт тохиолдол 5565 хүрчээ.
Нийгмийн эрүүл мэндийн үндэсний төвийн тайлбарласнаар:
- Хүүхдүүд олноор цугларсан нийтийг хамарсан арга хэмжээний дараагаар улаанбурханы халдварын тоо нэмэгдэх хандлагатай байна.
- Тухайлбал, вакцинд хамрагдаагүй, эсвэл дархлаажуулалтын бүрэн тун аваагүй хүүхдүүд өндөр эрсдэлтэй нөхцөлд өртөж байна.
Өвчилсөн хүүхдүүдийн вакцинжуулалтын байдал дараах байдалтай байна:
- 15% нь хоёр тунтай буюу бүрэн дархлаажсан
- 17.1% нь зөвхөн нэг тунтай
- 55.3% нь огт вакцинд хамрагдаагүй
- 13.1% нь вакцинд хамрагдах насанд хүрээгүй хүүхдүүд байжээ
Хүйсийн харьцаагаар:
- Өвчлөгсдийн 57 хувь нь эрэгтэй, 43 хувь нь эмэгтэй хүүхэд байна.
Эрүүл мэндийн байгууллагууд иргэдийг вакцинд идэвхтэй хамрагдахыг уриалж, олон нийтийг хамарсан үйл ажиллагаанд оролцохдоо хүүхдийн дархлааны түвшинг харгалзан үзэх шаардлагатайг онцолж байна.
Саяхан л буурч байна гэж байсан, одоо дахиад нэмэгдэж байгааг уншаад санаа зовж байна. Хүүхдүүдээ сайн хамгаалах хэрэгтэй болж дээ
Энэ өвчин хүүхдүүдэд аюултай гэдгийг мартаад байна уу даа. Сургууль, цэцэрлэг дээр анхаармаар юм