Улаанбаатар хотод 2025 оны есдүгээр сарын 01-ний байдлаар Үндэсний статистикийн хорооноос гол нэрийн бараа бүтээгдэхүүний үнийн хэлбэлзлийг танилцууллаа. Өнгөрсөн сараас харьцуулахад үнэ 0.8 хувиар, өмнөх долоо хоногоос 0.3 хувиар тус тус буурсан дүнтэй байна. Гэвч зарим төрлийн бараа буурахын оронд өсөлттэй байгаа нь анхаарал татав.
Үнийн өсөлттэй бараанууд
- Атар талх: 24 төгрөгөөр нэмэгдэж 2,603 төгрөг
- Үхрийн ястай мах: Кг тутамдаа 51 төгрөгөөр өсч 20,737 төгрөг
- Үхрийн цул мах: Кг тутамдаа 130 төгрөгөөр өсч 24,485 төгрөг
- Сонгино: Кг тутамдаа 145 төгрөгөөр нэмэгдэж 4,361 төгрөг
Үнийн буурсан бараанууд
- Хонины ястай мах: Кг тутамдаа 90 төгрөгөөр буурч 16,691 төгрөг
- Сүү: Литр тутамдаа 133 төгрөгөөр буурч 3,325 төгрөг
- Төмс: Кг тутамдаа 168 төгрөгөөр буурч 2,675 төгрөг
- Лууван: Кг тутамдаа 189 төгрөгөөр буурч 3,466 төгрөг
- Байцаа: Кг тутамдаа 99 төгрөгөөр буурч 3,732 төгрөг
- Хүрэн манжин: Кг тутамдаа 102 төгрөгөөр буурч 3,833 төгрөг
Эдгээр өөрчлөлтүүд иргэдийн амьдралд шууд нөлөөлж байгаа бөгөөд махны үнийн өсөлт онцгой анхаарал татах болж байна. Үндэсний статистикийн хорооноос цаашид зах зээлийн хэлбэлзлийг тогтмол хянаж, мэдээлэл хүргэхээр төлөвлөж байна.
Өдөр болгон үнэ өсөөд байх юм даа, амьдрал үнэхээр хэцүү болж байна
Махны үнэ тогтвортой болоосой гэж хүсэж байна