Ерөнхийлөгчөөс өргөн барьсан “УИХ-ын гишүүнийг эгүүлэн татах” тухай хуулийн төслийг тойрсон хэлэлцүүлгийн үеэр УИХ-ын гишүүн Л.Оюун-Эрдэнэ, У.Отгонбаяр нарын хооронд зөрчил үүссэн талаар мэдээлэл олон нийтийн анхааралд ороод байна. Тодруулбал, тэднийг маргалдсаны улмаас харилцан халдсан байж болзошгүй гэх мэдээлэл түгээд буй юм.
Эх сурвалжуудын өгүүлснээр, мягмар гарагт Төрийн байгуулалтын байнгын хорооны хуралдаан өндөрлөсний дараа УИХ-ын гишүүн У.Отгонбаяр Л.Оюун-Эрдэнийн өрөөнд орж, улмаар маргаан дэгдээсэн гэх мэдээлэл гарчээ. Үүний дараа түүний нүүр рүү архи цацсан, цаашлаад барилцсан гэх агуулгатай мэдээлэл цахим орчинд өргөн тархсан байна.
Энэ асуудалтай холбоотойгоор УИХ-ын гишүүн У.Отгонбаяр хэвлэлд байр сууриа илэрхийлэхдээ “Л.Оюун-Эрдэнэ Халдашгүй байдлын дэд хороонд надтай холбоотой гомдол гаргасан” гэж мэдэгдсэн. Гэхдээ тэрбээр үүнээс цааш дэлгэрэнгүй тайлбар өгөөгүй байна.
- Маргаан “УИХ-ын гишүүнийг эгүүлэн татах” тухай хуулийн төслийн хүрээнд үүссэн.
- Мягмар гарагт байнгын хорооны хуралдааны дараа үйл явдал болсон гэх мэдээлэл бий.
- У.Отгонбаяр “Халдашгүй байдлын дэд хороонд” гомдол гаргасан тухай мэдэгдсэн.
