АНУ-ын нэр хүндтэй Харвардын их сургууль нь гадаад оюутан элсүүлэх эрхээ алдах аюултай тулгараад байна. Учир нь хуучин Ерөнхийлөгч Дональд Трампын захиргаа сургуулиас тодорхой мэдээлэл шаардаж, шаардлагыг биелүүлэхгүй бол 2.2 тэрбум ам.долларын санхүүжилт, 60 сая долларын гэрээг царцаах болсноо мэдэгджээ.
Засгийн газрын шаардлага:
АНУ-ын Дотоодын аюулгүй байдлын сайд Кристи Ноем Харвардад илгээсэн захидалдаа дараахийг шаардсан байна:
- Америкийн үнэт зүйлсийг эсэргүүцдэг гэж сэжиглэгдсэн оюутнуудын талаарх мэдээлэл;
- Сургуулийн дотоод дахь үзэл бодлын “олон янз байдал”-ын үнэлгээ;
- Олон янз байдал, хүртээмжийн хөтөлбөрүүдийг зогсоох;
- Хичээл заадаг багш, хөтөлбөрүүдийг шалгах “зөвшөөрөгдсөн” аудитын байгууллага авах;
- Ажилчдыг плагиат дээр шалгах.
Харвардын хариу:
Харвардын Ерөнхийлөгч Алан Гарбер энэ шаардлагыг хууль бус, үндсэн хуулийн эсрэг гэж үзэж буйгаа илэрхийлээд: “Ямар ч засгийн газар ямар хичээл заах, ямар оюутан элсүүлэх, хэнийг ажилд авахыг заах ёсгүй” хэмээн мэдэгдэв.
Сургуулийн төлөөлөгч нар “тусгаар тогтнол, үг хэлэх эрх чөлөөг хамгаална” гэж мэдэгдсэн бол профессор Дэвид Армитидж: “Харвард бол АНУ-ын хамгийн чинээлэг их сургууль. Эрх чөлөөг хамгаалахад ямар ч үнэ хэт өндөр биш” хэмээн онцолжээ.
