Давж заалдах хүсэлт, ял оноосон шийдвэр дахин анхаарал татлаа
Реппер Шон “Дидди” Комбс хоёр удаагийн хүчингийн гэмт хэрэгтэй холбоотойгоор оноосон хорих ялаа хүчингүй болгуулахыг хүсэж, өнгөрсөн сард давж заалдах шатны шүүхэд хүсэлт гаргасан байна. Прокурорууд түүнийг дор хаяж 11 жилийн хорих ял авах ёстой гэж үзсэн ч шүүгч эцсийн шийдвэрээр дөрвөн жил хоёр сарын хорих ял оноосон гэж мэдээлжээ.
Трамп “The New York Times”-т өгсөн ярилцлагадаа татгалзсан байр сууриа илэрхийлэв
Комбсын өршөөл хүсэлт олны анхаарлыг татсан энэ үед ерөнхийлөгч Дональд Трамп уг хүсэлтийг зөвшөөрөхгүй гэдгээ илэрхийлсэн байна. Трамп “The New York Times” хэвлэлд ярилцлага өгөхдөө “Венесуэлийн ерөнхийлөгч Николас Мадуро тэргүүтэй нэр төртэй хэд хэдэн хүнд өршөөл үзүүлэх бодолгүй байгаа. Комбс над руу өршөөл хүссэн захидал илгээсэн. Гэхдээ үүнийг нь зөвшөөрөх бодолгүй байна” гэжээ.
Кэсси Вентурагийн гомдол, Комбсын уучлал ба “ичгүүртэй” гэж хүлээн зөвшөөрсөн нь
Комбсын хуучин найз бүсгүй, дуучин Кэсси Вентура өөрийг нь хүчирхийлэлд өртүүлсэн, мөн албадан эрэгтэй биеэ үнэлэгчидтэй бэлгийн харьцаанд оруулсан гэх агуулгаар шүүхэд гомдол гаргасан талаар өмнө нь мэдээлж байсан. Ял сонсохоос өмнө Комбс Кэсси Вентурагаас уучлалт гуйж, өөрийн үйлдлийг “ичгүүртэй, жигшмээр” хэмээн хүлээн зөвшөөрсөн гэж мэдээлжээ.
