Төрийн банкнаас санаачлан хэрэгжүүлж буй “Тогтвортой хөгжил – Ногоон ирээдүй” үзэсгэлэн худалдаа 2025 оны дөрөвдүгээр сарын 17-23-ны өдрүүдэд МҮЭСТО-д өдөр бүр 11:00-20:00 цагийн хооронд зохион байгуулагдах гэж байна.
Энэ арга хэмжээ нь:
- Байгальд ээлтэй бүтээгдэхүүн, үйлчилгээг танилцуулан сурталчлах;
- Тогтвортой хөгжлийн талаар олон нийтэд мэдээлэл түгээх;
- Салбарын мэргэжилтнүүд, бодлого боловсруулагчдын хэлэлцүүлэг, илтгэлүүдээр дамжуулан олон нийтэд чиглэсэн зөвлөгөө, санал санаачилга хүргэх онцлогтой.
Арга хэмжээний онцлох хэсгүүд:
- “Тогтвортой хөгжил – Ногоон барилга” сэдвийн хүрээнд хэлэлцүүлэг зохион байгуулагдана.
- Сэргээгдэх эрчим хүч, ногоон технологи, эрчим хүч хэмнэлтийн чиглэлээр ажилладаг компаниуд оролцоно.
- Төр, хувийн хэвшлийн байгууллагууд хамтран зохион байгуулагчаар оролцож, цар хүрээгээ тэлсэн томоохон арга хэмжээ болох юм.
Үзэсгэлэнд танилцуулагдах бүтээгдэхүүнүүд:
- Сэргээгдэх эрчим хүчний төхөөрөмж
- Эко бохирын систем, дулаалгын материал
- Эко тээврийн хэрэгсэл
- Эрчим хүчний хэмнэлттэй амины орон сууц
- Эрчим хүчний хэмнэлттэй цахилгаан бараа
Мөн үзэсгэлэнгийн үеэр ногоон зээлийн талаар газар дээр нь мэдээлэл авч, зээлд хамрагдах боломж олгогдох юм.
