Цахим спортын өрсөлдөөнд тогтвортой амжилт үзүүлж буй The MongolZ багийн тоглогч Mzinho Faceit платформ дээр түр хугацаанд эрх хязгаарлуулсан тухай мэдээлэл гарлаа.
Тодруулбал, тоглолтын явцад хараал хэлж, маргаан үүсгэсэн үндэслэлээр түүнд 7 хоногийн бан оноосон байна. Харин маргааныг хурцатгаж, хэрүүл өдөөсөн гэх эсрэг талын тоглогчид 12 сарын хугацаатай бан ногдуулжээ.
Багийн бүрэлдэхүүний хувьд сүүлийн үед өөрчлөлтүүд үргэлжилсээр байна. Шинээр ирээд байсан Controlez багаа сольж, The Huns-д нэгдсэн. Үүний дараа багийн хуучин гишүүн Senzu үндсэн бүрэлдэхүүнд эргэн ирнэ гэх хүлээлт олон хүний дунд байсан ч тэрээр өөр багийн саналд нээлттэй байхаа мэдэгдсэн байна.
19 настай Senzu нь өнгөрсөн аравдугаар сараас хойш тоглолтод оролцоогүй байгаа бөгөөд тухайн үед “тоглогчид болон удирдлагын хооронд нухацтай хэлэлцсэний эцэст” гэнэт сэлгээнд шилжүүлсэн юм. Улирлын төгсгөлийн чухал хэсэг, тэр дундаа Будапештийн Major тэмцээнд оролцоогүй ч оны шилдэг 20 тоглогчийн жагсаалтад 13-р байрт бичигдсэн нь түүний жилийн эхний есөн сард багтаа үзүүлсэн нөлөөг илтгэнэ.
Тухайн хугацаанд олон улсын 1xBet компанийн албан ёсны түнш The MongolZ Esports World Cup-ын аварга болж, Austin Major-ийг багтаасан бусад гурван тэмцээнд дэд байр эзэлсэн билээ. Мөн 2026 он гарахаас өмнө Senzu багийн өөр гурван тоглогчийн хамт Монголын “The Tonight Show”-д оролцсон нь ирэх онд бүрэлдэхүүндээ буцаж ирж магадгүй гэх таамгийг улам хүчтэй болгож байсан юм.
Гэвч The MongolZ арванхоёрдугаар сарын 31-нд The Huns багаас 20 настай, ирээдүйтэй тоглогч Анарбилэг “cobrazera” Ууганбаярыг элсүүлснээ зарлаж, олон нийтийг гайхшрууллаа.
Эх сурвалжуудын мэдээлж буйгаар Senzu олон улсын багт карьераа үргэлжлүүлэх сонирхолтой бөгөөд шаардлагатай тохиолдолд богино хугацаанд шууд тоглолтод эргэн ороход бэлэн байгаа ажээ.
