Монголын “The MongolZ” баг 2025 оны Esports World Cup-ийн шөвгийн наймд Францын “3DMAX” багийг 2:1-ийн харьцаагаар хожиж, хагас шигшээд тэнцсэн байна.
Филип “Graviti” Бранковичийн удирдсан “3DMAX” баг өмнөх шатанд Natus Vincere-г гайхалтайгаар хожиж шуугиан тарьсан ч энэ удаад шийдвэрлэх Nuke карт дээр хамгаалалтын алдаа гаргаж, тэмцээнээ дуусгалаа. “The MongolZ” багийн ялалтын гол тоглогч нь Содбаяр “Techno” Мөнхболд байсан бөгөөд тэрээр Nuke карт дээр олон чухал раундад өрсөлдөгчийн тоглогчдыг хожиж, багтаа ялалтыг авчирсан юм.
Тоглоомын үр дүн
Тоглоомын хуваарь дараах байдлаар өрнөв:
- Inferno: 3DMAX 13 – 9 The MongolZ
- Mirage: The MongolZ 13 – 9 3DMAX
- Nuke: The MongolZ 13 – 8 3DMAX
Энэ ялалтаар “The MongolZ” хоёр дахь удаагаа дараалан гранд финалд хүрэх боломжийн төлөө хагас шигшээд “Vitality” багтай тоглоно. Энэ тоглоом нь багийн ур чадвар, тэсвэр хатуужлыг дахин сорих чухал мөч болно.
Монголын киберспортын төлөөлөл “The MongolZ” багийг дэмжиж, хагас шигшээгийн тоглоомыг шууд дамжуулалтаар үзэцгээе! HLTV, Twitch, YouTube зэрэг платформуудаас тоглоомыг шууд үзэх боломжтой.
Мөн бид саяхан The MongolZ багийн бүх гишүүдийн хамтарсан томоохон ярилцлагын эхний болон хоёрдугаар хэсгийг нийтэлсэн.
Итгэмээргүй! Энэ түвшний хагас шигшээд шалгарахын тулд