Монголын бахархал болсон The MongolZ баг дэлхийн хүчирхэг өрсөлдөгч GamerLegion-ийг ESL Pro League Season 22 тэмцээний Stage 2 шатанд 2:1-ийн харьцаатай ялж, дараагийн шатанд шалгарлаа.
Тоглолт гурван газрын зураг дээр өрнөсөн бөгөөд The MongolZ эхний мап болох Inferno-д 13:10 харьцаагаар ялалт байгуулж, хүчтэй эхлэл тавьсан.
Хоёр дахь мап Ancient-д GamerLegion бага зэрэг илүү тоглож, 11:13-аар ялалт авснаар тоглолт тэнцлээ. Шийдвэрлэх мап Nuke-д The MongolZ дахин хурд, зохион байгуулалт, багийн нэгдмэл байдалдаа тулгуурлан ялалт байгуулж, 2:1-ээр тоглолтыг хаалаа.
Багийн тоглолт ба манлайлал
Багийн ахлагч bLitz болон түүний хамтрагчид 910, Techno, Senzu, mzInho нар тоглолтын турш сэтгэл зүтгэл, багийн уур амьсгалыг өндөр түвшинд хадгалж, дэлхийн тавцанд Монголын нэрийг дахин мандууллаа. The MongolZ-ийн гол ивээн тэтгэгч 1xBet болон бусад дэмжигч байгууллагуудын тус дэм энэ ялалтад том хувь нэмэр оруулсан юм.
The MongolZ баг дараагийн тоглолтоо Gentle Mates багийн эсрэг хийнэ.
- Тэмцээн: ESL Pro League Season 22
- Тоглолт: The MongolZ vs Gentle Mates
- Цаг: 10-р сарын 7-нд, 22:00 (УЛАТ)
- Шат: Шигшээ шатны 1-2 шатны тоглолт
Энэ ялалт нь The MongolZ багийн хувьд камбэк-ийн эхлэл болж байна. Тэд дэлхийн топ багуудын эсрэг тоглолтоороо дахин нэг удаа Монголын eSports-ийн нэр хүндийг өндөрт өргөлөө.
