Монголын кибер спортын The MongolZ баг Румын улсын Клуж-Напока хотод зохиогдож буй PGL Cluj-Napoca 2026 тэмцээний хасагдах шатанд (playoffs) шалгарч, Бразилын хүчирхэг FURIA багтай нүүр тулахаар боллоо.
Тус тоглолт маргааш буюу 2026 оны 2 дугаар сарын 21-ний Улаанбаатарын цагаар шөнийн 01:00 цагт эхлэх хуваарьтай байна. The Mongolz хэмээгддэг манай залуус дэлхийн шилдэг багуудын нэгтэй хасагдах шатанд тулахаар болсон нь фенүүдийнх нь дунд ихээхэн хүлээлт үүсгээд байгаа юм.
Тэмцээний тухай албан ёсны мэдээлэл:
- Зохион байгуулагч: PGL.
- Хугацаа: 2026 оны 2 дугаар сарын 14-нөөс 22-ны хооронд.
- Байршил: Румын, Клуж-Напока хот.
- Төрөл: Counter-Strike 2.
- Оролцогч багууд: Дэлхийн чансааны шилдэг 16 баг (Vitality, NAVI, FaZe, MOUZ зэрэг).
- Тэмцээний ач холбогдол: Олон улсын чансааны оноо болон томоохон шагналын сангийн төлөөх өрсөлдөөн.
The MongolZ багийн залуус 1xBet-ийн дэмжлэгтэйгээр энэхүү дэлхийн түвшний тэмцээнд амжилттай оролцож, эх орныхоо нэрийг өндөрт гаргасаар байна. Маргааш шөнө болох энэхүү хариуцлагатай тоглолтод манай багийг ялалт байгуулж, дараагийн шатанд шалгарна гэдэгт монголын үзэгчид итгэлтэй байна.
