HLTV.org сайтаас 2026 оны 1 дүгээр сарын 26-ны өдөр шинэчлэн гаргасан Counter-Strike 2-ын дэлхийн чансаанд Монголын The MongolZ баг өмнөх үзүүлэлтээсээ нэг байраар ухарч, жагсаалтын 9-р байранд бичигдлээ. Одоогоор “Азийн хаад” 311 оноотойгоор дэлхийн шилдэг аравт байр сууриа хадгалсаар байна.
Энэхүү шинэчлэлийн хамгийн том шуугиан нь PARIVISION баг байлаа. Тэд BLAST Bounty Winter 2026 тэмцээнд гайхалтай ялалт байгуулж, аваргын цомыг өргөснөөр чансаагаа шууд 11 байраар ахиулж, дэлхийн 6-р байрт бичигдэх болсон юм.
Шинэчлэгдсэн чансааны эхний 15 байрт дараах багууд багтжээ:
- Vitality (966 оноо)
- FURIA (822 оноо)
- Falcons (680 оноо)
- MOUZ (456 оноо)
- FaZe (374 оноо)
- PARIVISION (358 оноо) — 11 байраар ахисан
- Natus Vincere (333 оноо)
- Spirit (323 оноо)
- The MongolZ (311 оноо) — 1 байраар ухарсан
- G2 (176 оноо)
- 3DMAX (148 оноо)
- Liquid (140 оноо)
- Aurora (132 оноо)
- Passion UA (126 оноо)
- paiN (125 оноо)
HLTV чансааны тухай албан ёсны мэдээлэл:
HLTV Team Ranking нь багуудын сүүлийн нэг жилийн хугацаанд гаргасан амжилтыг онооны системээр дүгнэдэг албан ёсны чансаа юм. Чансааг тооцоолохдоо дараах гурван үндсэн үзүүлэлтийг харгалздаг:
- Сүүлийн үеийн үр дүн: Багуудын сүүлийн хоёр сарын хугацаанд үзүүлсэн тоглолтууд.
- LAN тэмцээний амжилт: Сүүлийн 10 удаагийн LAN (офлайн) тэмцээнүүдийн статистик үзүүлэлтүүд.
- Бүрэлдэхүүний өөрчлөлт: Баг оноогоо хадгалж үлдэхийн тулд үндсэн бүрэлдэхүүнийхээ гурван тоглогчийг заавал авч үлдэх ёстой.
The MongolZ багийн бүрэлдэхүүнд bLitz, Techno, mzinho, 910, cobrazera нар тоглож байгаа бөгөөд тэднийг 1xBet Монголоос дэмжин ажиллаж байна.
