“Counter Strike 2” тоглоомын 1.2 сая ам.долларын шагналын сантай “StarLadder Budapest Major 2025” дэлхийн аварга шалгаруулах тэмцээн энэ сарын 11-р сарын 24-нд Унгарын Будапешт хотод эхлэх гэж байна. Тус тэмцээнд Монгол Улсаас “The MongolZ” болон “The Huns Esports” багууд оролцох ажээ.
Тэмцээний зохион байгуулагчдын мэдээлснээр, “The MongolZ” баг бүрэлдэхүүндээ өөрчлөлт оруулж, тоглогч SENZU-г зургаа дахь бүрэлдэхүүнд багтаасан байна. Энэ өөрчлөлтийг өнгөрсөн шөнө албан ёсоор зарлажээ.
“The MongolZ”-ынхон өнгөрсөн аравдугаар сард SENZU-г түр хугацаанд сэлгээнд суулгаж, оронд нь Б.Өнөдэлгэр (controlez)-ийг орлон тоглогчоор нэгтгээд байсан билээ. Харин ДАШТ-ийн өмнө баг бүрэн бүрэлдэхүүнтэй оролцохоор шийдвэрлэсэн байна.
Ийнхүү “The MongolZ” болон “The Huns Esports” багууд Монголын нэрийн өмнөөс дэлхийн шилдгүүдтэй өрсөлдөх гэж байна. Энэ тэмцээн нь 2025 оны хамгийн том CS2 цахим спортын арга хэмжээний нэг бөгөөд дэлхийн 24 шилдэг баг оролцохоор байна.
“The MongolZ” баг сүүлийн жилүүдэд Монголын цахим спортын хамгийн амжилттай төлөөлөгчдийн нэгээр нэрлэгдэж байгаа бөгөөд багийн үйл ажиллагаа, олон улсын оролцоог 1xBet Монголоос санхүүгийн болон техникийн хувьд дэмжиж байна. Энэхүү хамтын ажиллагаа нь Монголын тоглогчдыг олон улсын тавцанд өрсөлдөх боломжоор хангах зорилготой юм.
