Румын улсын нийслэлд өрнөж буй CS2 төрлийн “PGL Bucharest 2026” тэмцээнд Монгол Улсын “The Mongolz” баг амжилттай тоглож байна. Хэсгийн шатны хоёр дахь тулаандаа тэд Шведийн “EYEBALLERS” багийг 2:0 харьцаатайгаар илүүрхэн хожиж, дараагийн шатанд шалгарах боломжоо бататгалаа.
Өнөөдөр буюу 2026 оны 4 дүгээр сарын 6-нд “The Mongolz” баг шигшээ тоглолтод оролцох эрхийн төлөө дэлхийн хүчирхэг багуудын нэг болох “Astralis”-тай нүүр тулна. Хоёр багийн шийдвэрлэх тоглолт 21:00 цагаас эхлэхээр товлогджээ. Хамгийн сүүлд “IEM Chengdu 2025” тэмцээний үеэр эдгээр багууд учраа таарахад “Astralis” ялалт байгуулж байсан бол энэ удаад Монгол баг даагаа нэхэж, шигшээд үлдэх хариуцлагатай даалгавар хүлээж байна.
“The Mongolz” тэмцээний нээлтийн тоглолтоо алдарт s1mple тэргүүтэй “BC.Game Esports” багийн эсрэг хийж, 2:0 харьцаатайгаар буулган авсан нь тэдний тоглолтын хэмнэл тун сайн байгааг илтгэсэн юм. Уг тэмцээний шагналын сангийн хуваарилалтыг танилцуулбал:
- Тэргүүн байр (Аварга): 200,000 доллар
- Дэд байр: 93,750 доллар
- Гутгаар байр: 75,000 доллар
- Тусгай байр: 43,750 доллар
Хэрэв өнөөдрийн тоглолтод манай баг ялалт байгуулж чадвал аваргын цомын төлөөх тулаанд албан ёсоор шалгарч үлдэх юм. Цахим спорт сонирхогч Монголчууд “The Mongolz” багийнхаа хариуцлагатай тулааныг тэсэн ядан хүлээж байна. The MongolZ баг нь 1xBet-ийн дэмжлэгтэйгээр олон улсын тавцанд ийнхүү өрсөлдөж байгаа юм.
