Туркийн Aurora баг The MongolZ-ийн эсрэг үргэлжилсэн таван дараалсан хожигдлоо зогсоолоо. Тэд хамгийн сүүлд 2025 оны тавдугаар сард PGL Astana тэмцээний үеэр манай багийг хожиж байсан юм. BLAST Open Rotterdam тэмцээний шөвгийн наймд (quarterfinal) учраа таарахад Туркийн хамт олон 2:0-ээр (Inferno, Mirage) итгэл төгс ялалт байгуулж, хагас шигшээд шалгарлаа.
Цуврал Aurora-ийн сонгосон Inferno газрын зургаар эхлэв. Хэдийгээр эхний гар бууны үеийг (pistol round) алдсан ч Aurora баг “force buy” (мөнгө бага үед зэвсэг худалдан авах) хийснийхээ дараа дараалсан дөрвөн довтолгоог амжилттай гүйцэтгэж, санаачилгыг гартаа авсан юм. Талууд солигдох үед оноо тэнцүү байсан ч Исмаилжан «XANTARES» Дерткардеш, Озгюр «woxic» Экер болон Али «Wicadia» Хайдар Ялчин нарын “multikill” (нэг үед олон аллага хийх) үзүүлбэрүүд тоглолтын хувь заяаг шийдлээ. Хамгаалалтын талд Aurora илт давамгайлж (7:0), 13:6-аар эхний хожлоо авсан юм.
Хоёр дахь карт болох Mirage-д Али «Wicadia» Хайдар Ялчин гар бууны үед гурван аллага хийснээр тоглолтын хэмнэлийг эхнээс нь тодорхойлов. Энгин «MAJ3R» Кюпелигийн эдийн засгийн шахалт үзүүлсэн оновчтой шийдвэрүүдийн ачаар Aurora 7:1-ээр хол тасарч эхэлсэн бөгөөд эхний хагас 8:4-өөр өндөрлөв.
Дараагийн хагаст Aurora онооны зөрүүг аравт хүргэсэн ч The MongolZ баг “comeback” (оноо нөхөх) хийхээр хүчтэй эсэргүүцэл үзүүлсэн юм. Гэсэн хэдий ч Туркийн баг тоглолтын хяналтаа алдалгүй байсаар 13:9-өөр цувралыг дуусгалаа.
Хагас шигшээд Aurora баг Vitality-тай тулна. Энгин «MAJ3R» Кюпелигээр удирдуулсан тус баг 2026 он гарснаар Vitality-г хараахан буулган авч амжаагүй байгаа билээ.
