Монголын сагсан бөмбөгийн нэр төрийг олон жил өндөрт өргөсөн тамирчин Тунгалагийн Санчирт өнөөдөр “Монгол Улсын Гавьяат тамирчин” хэмээх эрхэм цолыг гардууллаа.
Шагналыг Монгол Улсын Ерөнхийлөгч Ухнаагийн Хүрэлсүх гардуулсан бөгөөд энэхүү ёслолын үеэр түүний сагсан бөмбөгийн спортын хөгжилд оруулсан үнэтэй хувь нэмэр, олон улсын тэмцээнүүдэд эх орныхоо нэрийг таниулсан гавьяаг өндрөөр үнэлсэн юм.
Т.Санчир нь Үндэсний шигшээ багийн ахлагч, олон улсын тэмцээний шилдэг тоглогч, залуу тамирчдад үлгэр дуурайл үзүүлсэн манлайлагч байсаар ирсэн. Түүний 15 гаруй жилийн тасралтгүй хөдөлмөр, ур чадвар ийнхүү төрийн дээд шагналаар бодитоор үнэлэгдлээ.
