К-попын хоёрдугаар үеийн хамгийн нөлөө бүхий хамтлагуудын нэг болох T-ARA ирэх 2025 оны есдүгээр сарын 12-нд Монголын хөгжмийн тайзнаа дахин зочлохоор болжээ. Энэхүү тоглолт нь Төв цэнгэлдэх хүрээлэнд болох бөгөөд хамтлагийн фэнүүд олон хит уран бүтээлээ дурсамж сэргээх үдэш өнгөрүүлэх гэж байна.
2009 онд байгуулагдсан T-ARA хамтлаг анх зургаан гишүүнтэй байсан ч өнөөдөр Jiyeon, Hyomin, Eunjung, Qri нарын бүрэлдэхүүнтэйгээр уран бүтээлээ туурвисаар байна. Тэд 2013 онд Монголд анх айлчлан ирэхдээ “Number Nine” дууныхаа шинэчилсэн клипийг Говь нутгийн байгалийн зураглалд буулгаж байсан нь олон хүний сонирхлыг татсан юм.
Энэ удаагийн тоглолтын үеэр фэнүүд “Roly Poly”, “Day by Day”, “Lovey Dovey”, “Cry Cry” зэрэг дууг нь амьд хувилбараар сонсох боломжтой.
Одоогоор тоглолтын урьдчилсан захиалгын бүртгэл явагдаж байгаа бөгөөд суудлын байршил болон үнийн мэдээлэл албан ёсоор хараахан зарлагдаагүй байна.
