“Pokerrr2” аппликейшнд залилан хийж байсан бүлэг этгээдийг илрүүлэв

Цагдаагийн байгууллагаас цахим орчинд хууль бус үйл ажиллагаа явуулж байсан бүлэг этгээдийг илрүүлж, баривчилжээ. Тэд “Pokerrr2” аппликейшинд “ihtus” нэртэй өрөө байгуулан зохиомол тоглолт зохион байгуулж, иргэдийг төөрөгдөлд оруулан мөрийтэй тоглоом тоглуулж байсан байна.

Энэ бүлэгт нийт долоон хүн хамрагдсан бөгөөд тэд хууль бус мөрийтэй тоглоомоор олсон мөнгөө үл хөдлөх хөрөнгө болон тээврийн хэрэгсэл худалдан авахад ашиглажээ. Урьдчилсан тооцоогоор 800 орчим сая төгрөгийн орлогыг ийм байдлаар зарцуулсан нь мөнгө угаах гэмт хэрэг үйлдсэн байж болзошгүй нөхцөл байдлыг тогтоогоод байна.