“Өсвөрийн парламент-2025” хөтөлбөр энэ жил “Сургуулийн орчин дахь аюулгүй усан хангамж, ариун цэвэр, эрүүл ахуй ба өсвөр үе” буюу “WASH AND TEENS” сэдвийн хүрээнд зохион байгуулагдаж байна. Тус хөтөлбөрийг УИХ-ын Тамгын газар, Парламентын судалгаа хөгжлийн хүрээлэн, НҮБ-ын Хүүхдийн Сан, Гэр бүл, хүүхэд хөгжил хамгааллын ерөнхий газар, Монголын Скаутын Холбоо хамтран хэрэгжүүлж байгаа юм.
Сүүлийн дөрвөн жилийн хугацаанд нийт 21 аймаг, 9 дүүргээс 456 сурагч хамрагдсан бол энэ удаа дахин 126 сурагч элсүүлэхээр болжээ. Хөтөлбөрт ерөнхий боловсролын сургуулийн 11-12-р ангийн сурагчид хамрагдах боломжтой. Энэ удаагийн сургалт 2025 оны аравдугаар сараас 2026 оны зургадугаар сар хүртэл үргэлжилнэ.
Хөтөлбөрөөс сурагчид юу сурч мэдэх вэ?
- Парламентын боловсрол болон хүний эрхийн мэдлэг
- Аюулгүй усан хангамж, ариун цэвэр, эрүүл ахуйн ойлголт
- Тогтвортой хөгжлийн зорилтуудын талаарх мэдлэг
- Багаар ажиллах ур чадвар
- Нөлөөллийн ажил хийх дадлага, туршлага
Хэрхэн бүртгүүлэх вэ?
Сурагчид 2025 оны 10-р сарын 12-ны 23:00 цагаас өмнө дараах холбоосоор орж бүртгүүлнэ: Google Forms бүртгэлийн холбоос.
Бүртгэлийн материалд:
- Хувийн мэдээлэл
- 2-3 минутын видео бичлэг (сэдэв: сургуулийн орчин дахь ундны ус, ариун цэврийн байгууламжийн стандарт ба хүртээмж)
- 500-700 үгтэй эсээ (сэдэв: үе тэнгийн нөлөөлөл ба бидний оролцоо)
- Анги удирдсан багшийн батлан даалт (загвар энд)
- Нэр дэвшигчийг дэмжсэн 50 сурагчийн гарын үсэг бүхий маягт
