Өвөрхангай аймгийн Арвайхээр хотноо Өндөр Гэгээн Занабазарын мэлмий гийсний 390 жилийн ойд зориулсан Даншиг наадам энэ оны долоодугаар сарын 26–27-ны өдрүүдэд зохион байгуулагдана.
Наадмын хүрээнд 512 бөх хүч үзэх бөгөөд түрүүлсэн бөхөд “Ланд Круйзер 300” автомашин шагнах юм. Барилдаанд оролцох бөхчүүдийн цахим бүртгэлийг долдугаар сарын 24–25-ны хооронд зохион байгуулахаар төлөвлөжээ.
Энэхүү наадам нь Өндөр Гэгээний түүхэн гавьяа, оюуны өвийг хүндэтгэх, үндэсний спорт, соёлыг түгээн дэлгэрүүлэх зорилготойгоор явагдах юм.
