Онцгой байдлын ерөнхий газрын мэдээллээр өчигдөр Монгол Улсын хэд хэдэн аймаг, дүүрэгт нийт найман удаагийн гал түймэр бүртгэгджээ.
Гал түймэр гарсан байршлууд:
- Нийслэлийн Багануур дүүргийн 5 дугаар хороо
- Дорноговь аймгийн Сайншанд сумын 6 дугаар баг
- Замын-Үүд сумын 3 дугаар баг
- Баянгол дүүргийн 24 дүгээр хороо
- Төв аймгийн Сэргэлэн сумын Эрдэнэ-Уул баг
- Налайх дүүргийн 3 дугаар хороо
- Хан-Уул дүүргийн 23 дугаар хороо
- Булган аймгийн Булган сумын Булган баг
Галын улмаас нэг байшин, нэг автобус шатсан ч азаар хүний амь нас, эрүүл мэндэд хохирол учраагүй гэж ОБЕГ мэдээлэв.
Сүүлийн өдрүүдэд хуурайшилт ихсэж, галын аюул нэмэгдэж байгаатай холбогдуулан иргэдийг гал түймрээс урьдчилан сэргийлэх, галын аюулгүй байдлыг хангахыг анхааруулж байна.
