Оскарын шагналт жүжигчин Николь Кидман болон кантри дуучин Кейт Урбан бараг хоёр арваны хамтын амьдралынхаа дараа зам тусгаарлалаа. Энэхүү мэдээллийг People сэтгүүл баталжээ.
58 настай Кидман, 57 настай Урбан нар 2006 оны зургадугаар сард гэрлэсэн бөгөөд тэдний гэр бүлд хоёр охин төрсөн: 17 настай Сандэй Роуз болон 14 настай Фэйт Маргарет.
Эх сурвалжуудын мэдээлснээр, салалт нь Кидманд маш хүндээр туссан. Тэрээр гэрлэлтээ аврахын төлөө тэмцсэн ч нөхөртэйгээ харилцаагаа хадгалж чадсангүй. Хосууд зуны эхнээс тусдаа амьдрах болсон. Үүний зэрэгцээ Кидман өнгөрсөн зургаадугаар сард тэдний хуримын ойд зориулж Инстаграмдаа хайртай хүндээ баярын зурвас нийтэлж байв.
Зуныг Кидман охид болон гэр бүлийнхэнтэйгээ өнгөрөөж, “гэр бүлийн дурсамж”-уудаа дагагчидтайгаа хуваалцсан. Харин Урбан АНУ даяар аялан тоглолт хийж завгүй байлаа.
Өмнө нь Кидман 1990-2001 онд Том Крузтэй гэрлэж байсан бөгөөд тэр салалт нь бас л олны анхаарлын төвд орж байв.
Кидманын Урбантай салалт нь ялангуяа түүний саяхны ярилцлагуудын гэрэлд гэнэтийн үйл явдал болов. 2024 онд тэрээр People-д өгсөн ярилцлагадаа:
«Би Кейттэй хамт байгаадаа маш аз жаргалтай. Миний хайр, миний хамгийн том хайр. Энэ нь надад ажилдаа хүчтэй байх урам өгдөг. Яагаад гэвэл би хаана эргэн очихоо мэддэг» гэж ярьж байсан. Одоо тэр дахин нэгэн хүнд хэцүү үеийг туулж байна.
