Улаанбаатар хотын удирдлагууд авто зогсоолын нэгдсэн бодлогын хүрээнд авч хэрэгжүүлэх арга хэмжээний талаар хэлэлцэв. Хотын Ерөнхий архитектор Ч.Төгсдэлгэр авто зогсоолын өнөөгийн нөхцөл байдал, эрэлт хэрэгцээ болон цаашид төлөвлөж буй ажлуудын талаар мэдээлэл өглөө.
Нийслэлийн авто зогсоолын өнөөгийн нөхцөл:
- Нийслэлийн төвийн 6 дүүрэгт:
- 1,801 байршилд нийт 113,356 авто зогсоол бүртгэгдсэн.
- Эдгээр зогсоолуудын хамгийн их эрэлт Бага тойруу орчмоор ажиглагдаж байна.
- Жолооч бүр зогсоол хайхдаа дундажаар 26 минут зарцуулж байна.
- Орон сууцны хорооллуудад:
- 199,676 тээврийн хэрэгсэл бүртгэлтэй.
- Харин ердөө 80,000 зогсоолтой, буюу хүртээмж 40.1 хувьтай.
- Эрэлттэй уялдуулан нэмэлт 119,676 зогсоол шаардлагатай байна.
Төлөвлөсөн ажлууд:
- 90 байршилд:
- Гаднын франчайз үйлчилгээтэй авто зогсоол барихаар төлөвлөсөн.
- Ингэснээр 68,908 шинэ зогсоол бий болох юм.
- Үүний үр дүнд зогсоолын нийт хүртээмж 75 хувьд хүрнэ.
- 120 мянгат орчимд:
- 7000 орчим зогсоолтой далд зогсоолын байгууламж баригдах юм.
Архитектор Ч.Төгсдэлгэрийн мэдээлснээр, зогсоолын ашиглалтын онцлог нь өдрийн цагаар оффис бүсэд, шөнийн цагаар оршин суугч төвлөрсөн бүсэд илүү эрэлттэй байдаг бол холимог зориулалттай бүсэд бүх цагийн турш зогсоолын хэрэгцээ өндөр байна.
