2025-2026 оны хичээлийн жилд төрийн өмчийн ерөнхий боловсролын сургуулиудын 1-р ангийн элсэлтийн цахим бүртгэл 2025 оны 8-р сарын 12-ноос 8-р сарын 26-ны хооронд Монгол Улсын хэмжээнд E-Mongolia системээр явагдана.
Бүртгэлийн анхаарах зүйлс
Иргэд 1-р ангийн цахим бүртгэлд хамрагдахдаа дараах зүйлсийг анхаарах ёстой:
- Хүүхэд болон өөрийн хаягийн бүртгэл, мэдээллийг нягтлан, баталгаажуулсан байх
- Шилжилт хөдөлгөөнийг 2025 оны 8-р сарын 5-ны өдрөөс өмнө баталгаажуулсан байх (хуурамч хаягийн бүртгэл, түрээсийн гэрээ хийхийг хориглоно)
Хамрагдах хүүхдийн насны шаардлага
Бүртгэлд дараах хүүхдүүд хамрагдана: 2019 оны 1-р сарын 1-нээс 2019 оны 12-р сарын 31-ний хооронд төрсөн 6 настай хүүхдүүд.
Эдгээр шаардлагыг хангасан хүүхдүүдийг эцэг эхчүүд E-Mongolia системээр дамжуулан бүртгүүлэх боломжтой бөгөөд бүртгэлийн явцад мэдээллийг үнэн зөв оруулахыг анхааруулж байна.
