Үндэсний их баяр наадмын нээлтийг гадаад жуулчдад илүү хүртээмжтэй болгох саналыг аялал жуулчлалын салбарынхан холбогдох байгууллагад хүргүүлсний үр дүнд 8436 гадаад жуулчин энэ жилийн наадмын нээлтийг үзэхээр төлөвлөж байна.
Өнгөрсөн жилийн туршлага: Жуулчдын сэтгэл дундуур үлдсэн нь
2024 оны долдугаар сарын 1-11-ний хооронд Монгол Улсад 52 мянга гаруй жуулчин иржээ. Эдгээрийн дийлэнх нь Үндэсний их баяр наадмыг үзэх зорилготой байсан хэдий ч тасалбарын хүртээмж хангалтгүй байснаас болж зорилгоо биелүүлж чадахгүй буцсан тохиолдлууд олон гарсан байна. Тухайлбал, төв цэнгэлдэх хүрээлэнгийн 11 мянган суудлаас зөвхөн 2200-г гадаад жуулчдад зориулсан нь аялал жуулчлалын салбарынхны шүүмжлэлийг дагуулсан.
Энэ жилийн шинэчлэл: Илүү олон жуулчинд боломж олгоно
Аялал жуулчлалын мэргэжлийн холбооноос дараах саналуудыг тавьж, Үндэсний их баяр наадмыг зохион байгуулах хорооны зүгээс хэлэлцэн хүлээн авч хэрэгжүүлэхээр болсон байна. Үүнд:
- 8436 ширхэг тасалбар гадаад жуулчдад зориулагдана.
- Баяр наадмын нээлтийн тоглолтыг оройн цагаар дахин зохион байгуулах талаар хэлэлцэж байна.
- Тасалбарын мэдээлэл болон борлуулалтыг тавдугаар сарын 28-наас өмнө олон нийтэд зарлана.
Наадмын нээлтийн тоглолт нь Монголын соёл, өв уламжлалыг хамгийн тод илтгэдэг, жуулчдын хувьд мартагдашгүй мөч болдог учраас тасалбарын эрэлт маш өндөр байдаг. Харин энэ жил илүү олон суудлыг гадаадын зочдод санал болгож буй нь аялал жуулчлалын салбарт тодорхой ахиц авчирна гэж үзэж байна.
Энэ нь аялал жуулчлалыг хөгжүүлэхэд тусална! Манай соёлыг олон хүн нүдээрээ харцгаая
Гайхалтай мэдээ! Гадныхан харж байгаа нь сайн хэрэг