Хайр, болзооны орон зайд өөрийн өнгө төрх, дөлгөөн харц, намбатай ааш зангаараа ялгарч буй “Тэнгисийн эрэг дээрх 24/7” шоуны оролцогч Н.Энхтөр буюу Enky-г танилцуулж байна. Хэдийгээр шоуны хоёрдугаар улирал төгсөхөд ойртож байгаа ч, түүний оролцоо үзэгчдийн анхаарлыг татсаар байна.
Н.Энхтөрийн тухай сонирхолтой 10 баримт:
- Гадаадад ажиллаж, амьдардаг
Тэрбээр одоогоор Хятад улсын Шанхай хотод амьдарч, ажил эрхэлж байна. - Боловсролын замнал
ЕБС-ийн боловсролоо нийслэлийн 18-р сургуульд эзэмшсэн бол ШУТИС-ийг инженерийн чиглэлээр дүүргэсэн. - Спортын сонирхол
Чөлөөт цагаараа бокс тоглох дуртай, спортоор дамжуулан өөрийгөө хөгжүүлдэг. - Уран бүтээлч мэдрэмжтэй
Заримдаа шүлэг бичих сонирхолтой бөгөөд дотоод ертөнц нь гүн гүнзгий, уян зөөлөн нэгэн гэдгийг илтгэнэ. - Уран илтгэлийн амжилт
Оюутан байхдаа “Эх орны зүрх” сэдэвт англи хэлний улсын уралдаанд түрүүлж, тухайн үедээ нэгэн сонинд ярилцлага өгч байжээ. - Ганц бие байдлын тухай бодол
“Эрэгтэй хүн бие, оюун, эдийн засгийн хувьд бэлэн болох хүртэл цаг шаарддаг” хэмээн хэлж, сингл амьдралынхаа утгыг ийн тайлбарласан байдаг. - Кино урлагт хүч үзсэн
2014 онд “Бөмбөг” кинонд цагдаа залуугийн дүрд тоглож, дэлгэцийн урлагт хөл тавьж байжээ. - Дурлалд ханддаг хандлага
“Би дурлахаас айдаггүй. Зарим үед логик сэтгэлгээгээ унтраагаад мэдрэмжээрээ хөтлөгдөх нь зүйтэй гэж боддог” хэмээн ярьсан байдаг. - Олон улсын харилцаа
Шанхайд байх хугацаандаа Англи бүсгүйтэй гурван жил хамт амьдарч байжээ. - Инстаграм дахь орон зай
@enkytt хаягтай инстаграм хуудсаа идэвхтэй хөтөлдөг бөгөөд одоогийн байдлаар 10,900 гаруй дагагчтай байна.
