Япон улсын Токио хотноо зохион байгуулагдаж буй Хөнгөн атлетикийн дэлхийн аварга шалгаруулах тэмцээн есдүгээр сарын 13-наас 21-ний хооронд үргэлжилж байна. Энэхүү 20 дахь удаагийн тэмцээнд Монгол Улсаа төлөөлөн оролцсон гавьяат тамирчин Б.Сэр-Од эрэгтэйчүүдийн 42 км-ийн марафон гүйлтэд уралдаж, 65 дугаар байрт шалгарлаа.
Энэ удаагийн дэлхийн аваргад 198 орны 2202 тамирчин өрсөлдөж байгаа бөгөөд Монголын талаас дөрвөн марафон гүйгч оролцож байна. Тэдгээрээс хамгийн ахмад нь 44 настай Б.Сэр-Од байв.
Б.Сэр-Одын хувьд энэ нь түүний 12 дахь удаагийн дэлхийн аварга бөгөөд хөнгөн атлетикийн дэлхийн аваргын түүхэнд марафоны төрөлд хамгийн олон удаа оролцсон тамирчин гэдгээрээ онцлогтой юм.
Ямар их тэсвэр тэвчээртэй хүн бэ, бахархаж байна!
Монголчуудын бахархал шүү, улам их амжилт хүсье