Дөрөв дэх удаагийн “Motion Mongolia” олон улсын орчин үеийн бүжгийн наадам 2025 оны 4-р сарын 14–20-ны хооронд зохион байгуулагдана. Энэхүү наадам нь Монголын уран бүтээлчид, олон улсын бүжигчдийн хамтын ажиллагааг өргөжүүлж, орчин үеийн бүжгийн урлагийг таниулах чухал платформ болон хөгжиж байна.
Үндсэн зорилго:
- Урлагийн мэргэжлийн байгууллагуудын бүжгийн репертуарыг шинэчлэх
- Олон улсын уран бүтээлчдийн харилцаа, хамтын ажиллагааг өргөжүүлэх
- Нийгмийн урлаг, боловсролд хувь нэмэр оруулах
Онцлох бүтээлүүд:
- Игорь Стравинскийн хөгжим дээр бүтээгдсэн “Хаврын тахилга” бүжгийг найруулагч Б.Одбаяр Улаанбаатар театрын бүжигчидтэй хамтран тавина
- ХБНГУ-ын бүжиг дэглээч Фабиан Конн-ы “Карусель” бүтээлийг ГАТОБ-ын бүжигчид амилуулна
- Үндэсний хөгжмийн “Хангарди” хамтлагийг удирдаач Б.Эрхэмбаяр удирдана
Наадмын хүрээнд:
- Мэргэжлийн бүжигчдэд зориулсан сургалт, мастер-классууд
- 4-р сарын 19–20-нд ГАТОБ-ын тайзнаа олон улсын уран бүтээлчдийн хамтарсан “Тойрог” тоглолт болно
Түүхэн товчоо
- 2018 онд анх зохион байгуулагдсан бөгөөд АНУ, Канад, Орос, Монгол зэрэг орнуудын орчин үеийн бүжгийн урлагийг танилцуулсан
- 2021 онд “Хотын хэмнэл” сэдвийн хүрээнд мэргэжлийн болон сонирхогч бүжигчдийн дунд уралдаан зарласан
- 2024 онд Австрали, Унгар, Герман, БНСУ-аас бүжгийн мэргэжилтнүүд оролцож, сургалт, хамтарсан тоглолт хийжээ
