“Сүрээр дарагч” хэмээх гал морин жилийн Сар шинийн баярт зориулсан улс, аймаг, цэрэг, сумын цолтой 256 бөхийн барилдаан Монгол бөхийн өргөөнд хоёр өдөр үргэлжилж дууслаа. Хоёр өдрийн турш өрнөсөн барилдаанд хүчтэй өрсөлдөөн гарч, эцсийн шатанд нэр бүхий цолтнууд үлдсэн байна.
Их шөвгийн дөрөвт дархан аварга Н.Батсуурь, улсын аварга О.Хангай, улсын арслан Э.Батмагнай, улсын заан М.Лхагвагэрэл нар шалгарч үлджээ. Улмаар үзүүр, түрүүг булаалдахаар улсын аварга О.Хангай болон улсын заан М.Лхагвагэрэл нар тунаж барилдсан юм.
Тунад Завхан аймгийн Яруу сумын уугуул, улсын заан М.Лхагвагэрэл дийлж түрүүллээ. Харин Ховд аймгийн Буянт сумын уугуул, улсын аварга О.Хангай үзүүрлэсэн бөгөөд тэрээр 2024, 2025 оны Сар шинийн барилдаанд түрүүлж байсан амжилтаа энэ удаа үргэлжлүүлж чадсангүй.
Шийдвэрлэх шатны үр дүн:
- Их шөвөгт шалгарсан бөхчүүд — Н.Батсуурь, О.Хангай, Э.Батмагнай, М.Лхагвагэрэл
- Түрүү — Улсын заан М.Лхагвагэрэл (Завхан, Яруу)
- Үзүүр — Улсын аварга О.Хангай (Ховд, Буянт)
Сар шинийн барилдаан маш сонирхолтой боллоо
Ийм сайхан барилдаан үзэх сайхан байлаа