Монгол Улсын Засгийн газар агаарын бохирдлыг бууруулах зорилгоор 32,000-50,000 өрхийг хийн түлшинд шилжүүлэх шийдвэр гаргалаа. Энэхүү асуудлыг Засгийн газрын лхагва гаригийн ээлжит хуралдаанаар хэлэлцсэн бөгөөд Улаанбаатар хотын захирагч Хишгээгийн Нямбаатар танилцууллаа.
Агаарын бохирдлыг бууруулах шинэ бодлого
- Улаанбаатар хотод 200,000 гаруй өрх хатуу түлш хэрэглэж, 804,000 тээврийн хэрэгсэл замын хөдөлгөөнд оролцож байна.
- 2025-2026 оны өвлийн бэлтгэл хангах хүрээнд 32,000-50,000 өрхийг хийн түлшинд шилжүүлнэ.
- Сайн дурын үндсэн дээр хатуу түлшнээс татгалзсан өрхүүдэд хийн зуух, халаалтын систем үнэгүй олгоно.
- 2024 оны 9-р сарын 15-наас 2025 оны 5-р сарын 15 хүртэл хийн түлшинд шилжсэн өрхүүдэд 100,000 төгрөгийн татаас олгоно.
- Гэр хорооллын бүс дахь айл өрхүүдийн дулаан алдагдлыг бууруулах арга хэмжээг бүх яамд хариуцан ажиллах заалттай.
Хийн хэрэглээ нэмэгдэнэ
Монгол Улсын жилийн хийн хэрэглээ 46,000 тонн байдаг бол энэхүү шийдвэрийн дагуу 100,000 тонн болж өсөх төлөвтэй байна. Үүнтэй холбоотойгоор хотын захиргаа хийн импортлогч компаниудтай хамтран ажиллах гэрээ боловсруулах талаар мэдэгдэв.
