Монгол Улсын сагсан бөмбөгийн эмэгтэй шигшээ баг БНСУ-ын Бусан хотыг зорьж, Солонгосын WKBL холбооноос зохион байгуулж буй “2025 Future League” тэмцээнд оролцохоор мордлоо.
Тус тэмцээнд Монголын шигшээ багтай хамт:
- БНСУ-ын WKBL-ийн багууд
- Сингапурын төлөөлөгч баг
- Японы лигийн аваргууд
оролцож байна.
Энэхүү олон улсын чанартай тэмцээн нь 7-р сарын 2-ноос 10-ны өдрүүдэд Бусан хотод 9 хоногийн турш үргэлжлэх юм.
Монголын шигшээ багийн хувьд энэ лигт оролцсоны дараа БНХАУ-ыг зорино. Учир нь тэд “FIBA Women’s Asia Cup 2025” тэмцээний “B” дивизонд өрсөлдөхөөр дараагийн тэмцээний бэлтгэлээ хангахаар төлөвлөжээ.
