“FIBA Asia Cup 2025 Women’s” буюу эмэгтэйчүүдийн сагсан бөмбөгийн 5х5 төрлийн Азийн аварга шалгаруулах тэмцээний “B” дивизон өндөрлөлөө. Тус тэмцээнд амжилттай оролцсон Монгол Улсын эмэгтэй шигшээ баг IV байрт шалгарсан байна.
Шийдвэрлэх тоглолтод Монголын баг гуравдугаар байрын төлөө Тайландын багтай тоглож, 77:73-аар эцсийн мөчид ялагдал хүлээн, дөрөвдүгээр байрт орлоо.
Ирээдүйн тэмцээнүүдэд оролцох эрхтэй болов
Монгол Улсын баг ийнхүү 2027 оны Азийн аваргын “B” дивизонд шууд оролцох эрхтэй болсон бөгөөд энэ нь тогтвортой амжилтын үр дүн гэдгийг мэргэжилтнүүд онцолж байна.
Монголын тоглогчдын амжилт:
96 тоглогчийн дундаж онооны жагсаалтад:
- МУГТ О.Хулан – 2-р байр
- Б.Ариунцэцэг – 7-р байр
- Н.Нандинхүсэл – 10-р байр
Харин аварга болсон Тайванийн шигшээ багаас эхний 10-д ганц ч тоглогч багтаагүй нь анхаарал татаж байна.
Тайванийн багийн амжилт:
- Тайвань финалд Ираныг 74:55-аар хожиж, “B” дивизийн аварга болов
- Тайти — 84 онооны зөрүүтэй ялалт
- Казахстан — 44 онооны зөрүүтэй ялалт
- Энэтхэг — 44 онооны зөрүүтэй ялалт
- Иран — 19 онооны зөрүүтэй ялалт
Тайванийн баг ийнхүү “B” дивизийн аваргаар тодорч, Азийн шилдэг найман багийн “A” дивизонд тоглох эрх авсан юм. Монголын шигшээ баг нь Тайванийн багтай хийсэн тоглолтод зөвхөн 10 онооны зөрүүтэй ялагдсан цорын ганц баг болж, өндөр түвшний тоглолт үзүүлснээ баталлаа.
