Монгол Улсын Засгийн газар болон Саудын Арабын Хаант Улсын Засгийн газар хооронд 2025 оны долоодугаар сарын 16-нд Улаанбаатар хотноо байгуулсан “Агаарын харилцааны тухай хэлэлцээр” албан ёсоор батлагдлаа.
Энэхүү хэлэлцээрийн дагуу:
- Монгол, Саудын Арабын хооронд шууд нислэг үйлдэх эрх зүйн үндэс бүрдэв.
- Баруун Азийн бүс рүү шинэ чиглэл нээх боломжтой боллоо.
- Олон улсын тээвэр, логистикийн сүлжээнд холбогдох нөхцөл бүрдэж, зорчигч урсгал нэмэгдэнэ.
- Аялал жуулчлалыг дэмжих, худалдаа, эдийн засаг болон хамтын ажиллагааг өргөжүүлэхэд чухал алхам болж байна.
Засгийн газрын зорилтот бодлого
Энэхүү шийдвэр нь Засгийн газрын урт болон дунд хугацааны хөгжлийн бодлоготой уялдаж байгаа юм. Тухайлбал:
- 2023–2028 оныг “Монголд зочлох жил” болгон зарласантай холбоотойгоор агаарын тээврийн либералчлалыг дэмжих,
- Нислэгийн чиглэл, тоо, давтамжийг нэмэгдүүлэх,
- Аялал жуулчлалыг идэвхжүүлэх зорилт тавин ажиллаж байна.
Шууд нислэг нэвтрүүлснээр Монгол Улс олон улсын агаарын харилцааны сүлжээнд илүү нягт холбогдож, хоёр орны эдийн засаг, соёлын хамтын ажиллагаа, жуулчдын урсгал мэдэгдэхүйц өргөжих боломжтой боллоо.
